一篇舊文章

今日整埋舊文件，發現自己曾經寫過一篇關於無網絡兩個賤人，不過並無出，現在寫出來，不知還有沒有記得他們的事。

賤人一：飛機王 - 係無網絡從工程師做起，後來貓狗升天，做左team leader、經理到SM，後來管理太差，俾一班經理聯手踢走，跟住就周圍搵地方落腳，雖然做緊工程師job，但仲攞緊SM人工，係一間話無錢既公司都幾難理解。佢d管理能力真係勁，出哂名對任何人都Mr.YES，但自己友個d當然永遠唔會對現，所以永遠自己做好人，d手下賴哂野。然後佢會同你講"我都無辦法"。

我知最搞野有幾個笑話:
佢一個手下走，咁farewell lunch都好正常，我因為同呢個人拍過檔，所以亦受邀出席。講明farewell佢手下，一圍枱十幾人食幾百蚊，佢係啊頭，梗係佢埋單啦。點知佢返到公司，叫秘書發個mail俾所有出席人仕(好彩走個個無份)，每人夾返幾多。唔係啊嗎，聽講你五六餅個月，唔係咁搞野。

佢手下去新加坡出差，實報實消，d單上面有哂item，點知佢攞住張單，問佢個手下點解一餐可以食五碗飯…出差一齊食飯，唔通遂碗飯分單計啊，又唔係佢錢。佢自己都出過差啦，知咩事啦。

叫佢手下出差，點知原來未有人批，結果所有開支無人認數，條數話多唔多，都要幾萬蚊，咁係你叫人去，梗係你負責啦，結果…咁係話幫你追但係無影，我同事(佢手下)追左兩年，差d出律師信先追得返。

我都身受其害，佢係我地SM個陣，居然因為佢唔記得交form去人事部，結果佢成條樹都全年無人工加，你話幾大鑊。

賤人二：法國佬 - 衰野多到不能盡錄，講幾單佢同佢秘書d野

自己周圍係全office唱另一個法國人就快被炒，咁個秘書以為個個人自己都知，咪問下個個人點安排交收，點知呢個人告去HR話點解個秘書會知佢俾人炒，HR追查起，法國佬話自己乜無講過，將所有罪推落去個秘書，仲出warning letter 俾佢。

為討好高層，叫個秘書去酒吧覇位，俾d高層遲d去飲酒。

自己屋企張菲傭合約都要秘書搞，仲成日假期打電話俾秘書叫佢做私人野。

有一次法國佬同高層公費去歐洲做技術考察(成團無一國係技術人員，佢地亦無一個人識技術，你話呢間唔係國企係乜) ，因為唔鍾意住公司酒店，叫秘書幫佢地訂另一間，因為出左d問題，酒店要double charge其中一間房，大約一千蚊。
秘書問法國佬點做，佢當然突然失蹤完全當無件事，最後要班經理籌旗幫個秘書找條數。

大家可能覺得秘書幫佢食左咁多，個位好穩啦。錯啦，個秘書已經係上次炒人個陣俾佢炒左。

我同d無網絡同事傾過，無網絡最奇怪係越垃圾個位就越高越穩，好似法國佬同飛機王咁，只要你係做高層條狗，不理下屬死活，你就多一線機會留係無網絡，不過做人做到咁有咩意思…

虎進金來

恭喜發財，在此恭祝各位係新的一年去舊迎新，工作順利，投資龍威虎猛，家庭和睦，子女孝順，身體健康！