真正的革命…

昨天晚上反佔中晚會，有報導記者受到襲擊，影片所見記者不停被鬧漢奸、走狗。有傳言是記者用挑釁性問題激起民憤，但係無全片無真相的年代，呢d野都係等youtube去證實。任何集會都有激進人士或者有心搞事的人，無論任何原因，使用暴力都係唔應該，無論對方係邊個！我仍然係個一句，以大義之名去犯法咁同佢地反對個班路霸有咩分別？咩野大是大非前法治排第二是錯誤的想法，是非係主觀出自自己心中，法治係客觀基於法律上。除非你準備革命去推翻法律，否則法治永遠應是第一！

令人擔憂的係鏡頭前，唔係一兩個人，而係一大班人一齊鬧佢地漢奸，無youtube，我唔知之前發生過咩野事，但記者應該係受人尊敬的行業，到底點解會變成咁？

有人講，以後見到記者行埋來，要拿起手機拍定片先，點解大家唔再信任佢地係公正？

打人係小事，証據足夠拉人上法庭就可以解決！但大眾對傳媒唔信任可以點解決？

今次動動，令好多平時忙於工作連新聞都好少睇的人，開始發現傳媒角色的轉變，佢地由一個旁觀者，變成左一個參與者。唔單止係傳媒，好多大家一直尊敬同相信係中立的界別，亦係無聲中開始變質…

有人說過呢個運動係無嬴家，所有人都係輸家，第一個輸的係傳媒！第二個應該會係教育界…

之前寫過”暗角處…” 和” 真正的狼來了” ，無冕皇帝變成暴君，真正人民開始革命！假如傳媒不能相信，我們又能相信誰？又有誰可以監察社會？

真正的狼來了…

村口的牧童常在叫囂「狼來了」，提醒村民提防。

村民其實唔係好清楚隻狼係點樣，不過見牧童講到繪形繪聲，自己淨係識養豬，所以唔多唔少都有所提防！

但大家發覺呢位牧童係又叫唔係又叫，任何路過的人都懷疑係豺狼。雖然有d煩，但大家都覺得牧童係為大家好，只係神經過敏，但佢口中豺狼咁恐怖，始終有人監察住有無豺狼比較安全。

牧童覺得自己讀過動物圖鑑，見識比養豬的村民更多，更明白狼的恐怖，應該要有所行動，為左防範恐怖的狼，任何犧牲都係值得！

牧童首先係封住村對外通道，唔俾任何人出入，理由係市民唔出村，狼無野食就會餓死，亦可以避免狼扮人混入村。而且咁樣可以引起其他村對狼的關注！

婆婆個孫去唔到隔離村返學，怕影響孫學業，

公公又怕無人到村投資，樓價會因此下跌，

豬民無辦法出村買飼料，豬都慢慢餓死。佢仲發現牧童養的羊係食草，所以無影響！

於是豬民同牧童講咁唔係辦法，大家咁搞落去可能未見到狼就先見到上帝！

但牧童反而指摘佢無良心、冷血、涼薄，若然有人俾狼咬死大家過意得去嗎？佢咁做係為左大家未來好，大家少少犧牲都唔肯咁自私。你今日放過隻狼，狼他日早晚會食哂你d豬！牧童認為自己讀過動物圖鑑，唔需要聽班養豬講。

牧童指若然行動唔見效果，佢會將行動升級。雖然佢仲未唸到點升級！

大家覺得未見到傳說中恐怖的豺狼，但就見到現實中的人狼，於是合力趕走牧童。

後來當真正的豺狼出現了，無論牧童或者其他人叫狼來了叫到拆天，都無人再相信。無人知隻豺狼同牧童描述的一唔一樣，只知道結果牧童、婆婆的孫女和村民的子女都被豺狼咬死了。

到底係邊個的錯？

此乃看到朋友係網上share一篇有病童話，感到真正的擔憂有感而發。

另外我想講，寫得出呢d三流比喻，真係有d病！

層次感…

(註：本故事純屬虛構，朱生的對話由港豬創作，佔的對白全部取自佔中支持者真實說話中斷章取義…我唔係蘋果，我敢認係斷章取義)

朱先生對於近日佔中行為，深感香港正在撕裂，希望去現場開導佔中人士。

朱：你地訴求大家都聽到，但你地行動影響到香港市民，可唔可以退讓一步？

佔：家下D 市民佔中為乜先？ 唔係淨係為個人利益嘛！

朱：我知你係為左大家明天會更好，大家都係香港人，大家都愛香港，你地咁會阻到人！

佔：咁平時我哋都成日受阻架啦，又唔見有人行出嚟講野？

佔：我哋目的又唔係阻你，係個垃圾政府唔配合，先會阻到咁多人！

佔：你哋淨係識話人阻到你，咁你哋有無諗過係邊個導致呢個局面先？

朱(心想) ：(你咁講，你俾黑鬼攪完要捉返條女發洩，強姦都係因為個女唔配合先導致呢個霸王硬上弓局面！)

佔：我哋夠係俾垃圾政府阻著揾食啦！你哋怕餓死，我哋就唔怕既！又唔見我哋餓死咗？自己走位啦！

朱(心想) ：(呢班係唔係土匪？政府搞到佢無飯食就打劫你，仲鬧你自己唔識走位！)

朱：社會同政府有問題大家都知道，可以慢慢傾以和為貴，你地咁樣會影響小商戶、影響就業！

佔：就業機會, 梗係好左啦, 無佔領, 邊有反佔領呀. 古惑仔唔洗走貨, 互劈就有錢收, 佔蘋果又有錢收！有舖頭因為佔領蝕左錢, 但係又有舖頭因為佔領賺錢！空氣好左. 能源效益好左, 比以前環保！

朱：你地大學生讀咁多書講下道理好唔好？

佔：若果不懂去自我思考，就算大學畢業又如何？

朱：你地咁會影響香港經濟，香港幾代辛苦成果會毀於一旦！

佔：難道香港就從 「孝悌忠信禮義廉恥」到 「窮得只有錢」？

朱(心想)：(講你就無敵，無錢邊個養你？)

佔：其實學生運動係好平常，只係香港人視野太狹窄，得個利字！

朱(心想)：(到倒邊個視野太狹窄？你地挑戰緊共產黨管治權威，玩緊火仲唔知死字點寫)

佔：尊嚴，多多錢都買不來。時窮節乃現，一一垂丹青！

朱(心想)：(你班自私精同文天祥比？人地見到元兵死都唔怕，你地見到架車駛過來都即刻call警犬救命，講咩野尊嚴)

朱：我知你地有理想，視錢財如糞土，但你地俾美國佬利用緊，唔好中國人打中國人。

佔：成日有人話美國係背後搞手…

佔：痴X線，我話俾你哋聽，家下係我自己想要一個公平既選舉呀！

佔：我話X知乜國物國丫，我淨係care 香港 ja !!!

朱(心想) ：(漢奸都係話X知乜國物國丫，淨係care自己ja)

朱：你唔好激動，放低把傘先！

佔：住過英國一段日子，而且讀過中國歷史，我早已戒除了為中國流淚的陋習。

朱(心想) ：(原來真係漢奸)

朱：我知你關心香港，我都希望你地成功，但你地咁做好難得到市民支持！

佔：嗰啲淨係識坐o係電腦電視面前睇CCTVB既飛機X唔該走出街行吓啦!!

朱：你又唔好咁話佢地，大家都係香港人，佢唔了解你地，人始終係自私，人地一家大細手停口停，你都要諒解下佢地苦況！

佔：我唔知佢呢啲叫唔叫做自私，不過我即使自己未有小朋友，亦都會為家中既小朋友擔心(註：讀書人講野太深，怕大家唔明，佢係指香港未來)

朱(心想) ：(你都有資格講自私？)

佔：我小學恩師曾經講過: "讀書係要學做人, 最緊要做人有良心!"

朱(心想) ：(你有良心就自己絕食，不癢不痛阻住條路，利用人地不幸去爭取，仲好意思講良心？)

朱：大家都知你地係香港良心，但好多人誤會左，批評你地借民主之名行獨裁之事。你地不如先返屋企唔好加深大家誤會！

佔：成年人不願付出，甘願擔當一個不問世事的奴隸，這些人沒有權利批評年輕人！

朱(心想) ：(你地依家咪一樣當佢地係奴隸咁去犧牲，點解佢地唔可以批評？)

朱：唔好咁講，大家都有生存權利，你唔妥政府，無謂搞到警察同d小市民，不如想個好d方法爭取？

佔：大家都在批判警察及示威者的同時, 有沒有想過, 政治從來都是黑暗的...

朱：就係因為黑暗，你地年青人太純潔唔適合！你地都係返屋企啦！

佔：(憂國憂民look) 世界在扭曲…

佔：搞事的繼續扮無辜…

佔：死蠢的繼續扮理性…

佔：失控的繼續扮專業…

佔：冇良心的繼續扮盲…

朱：你終於想通左，真係好！

佔：政府高層去左邊？政治問題，治安解決，得嗎？政府唔好再推個責任去警察同學生度啦……

朱：係啦！冤有頭債有主，政治問題唔好搞到治安，你唔好再難為d警察，你地都係返屋企先啦！

佔：警察最多唔係敵人，但係絕非朋友！

朱：警察同你一樣係香港人，一樣愛香港，唔好咁講佢地，無佢地保護，你地係旺角一早俾人打死左！

佔：生於亂世，有種責任…近代香港人，生於繁華盛勢…

朱(心想) ：(你班人為賦新辭強說愁，依家有幾亂？你班人生於繁華盛勢，又要威又要帶頭盔。搞到最亂咪就係你地)

朱：唔好再分化香港人啦！其實好多市民都希望先安穩生活再慢慢追求適合香港的民主，我地要承認一國兩制的現實！

佔：自己鍾意做籠中鳥，關我鬼事

朱先生開始沉唔住氣！

朱：除非革命搞港獨，否則唔可以完全只理兩制，唔理一國！但你地有無為革命流血的心理準備？你有我一定撐你，但你到時要對抗解放軍無得再打999叫救命！

佔：你幾時將自己良心掉左？要手無寸鐵學生去圍解放軍？叫學生送死？叫市民送死！

朱：咁即係無膽革命啦，學咩人叫雨傘革命，你以為中央係你屋企菲傭，你叫兩聲就會照你命令做野！你地唔好咁自私，民生問題還民生問題，真普選還真普選，你地以為有真普選就可以解決所有民生問題？

佔：點解我哋要真普選？咪就係要杜絕呢啲冇王管行為囉！！

朱：真普選就能醫百病？菲律賓夠一人一票，咪又係選個三世出來！

佔：蠢真係無得救！

朱：你唔好滅我聲，你地將所有野綁埋一切，然後用香港民生做要脅去表達政治訴求，一個政府會向全世界展示自己受學生要脅去聽從佢地指示做野？咁不如直接由學生執政啦！政治理想爭取唔到，就連解決民生問題的機會都無埋！

佔：高登仔, 比起成班港豬, 知得還要多...

朱：港豬？你地尊重下人好？你班高登仔活係自我世界感覺良好，只係逃避現實！

就係此時佔中人士拿出一張Maslow’s Hierarchy of Needs圖俾佢睇。

佔：過主啦! 我哋同你係唔同層次㗎!! 影衰晒香港...Shame on you...

朱先生決定放棄，原來問題基本係大家唔同層次所以溝通唔到，夏蟲不可語冰。

因為佢層次比你高，所以佢唔駛聽你講，你只能盲從，因為你未夠層次去理解佢講咩。

因為佢層次比你高，所以佢做野你唔可以質疑，你只能盲撐，因為你未夠層次去理解佢做咩。

因為佢層次比你高，所以犧牲係你，唔係佢，因為你未夠層次去理解咩野係犧牲。

因為佢層次比你高，咩野係民主、自由、公義，全部解釋權係佢地手上，你呢個層次識條毛！

呢個仲唔係神的境界？難怪佢地視其他人為港豬，金鐘就係佢地奧林匹斯山。係神眼中，係絕對操生殺大權，人同豬其實係無分別！

後記：我本來係答應左朋友寫一個有關層次的笑話，但我寫左唔夠兩段已經寫唔落去…

暗角處…

近日某傳媒拍攝到自稱"暗角"處，有警察懷疑使用暴力對待示威者！

坊間反應不一，有人話打得好，有人同情學生，有人話驚隊腐敗！

首先我認同警察打人(如屬實)係不對，無論任何理由都唔可以脫罪，否則就會變成濫用暴力的護身符，咁樣佢地同佔中班公義怪有咩野分別，都係拿住個一個大義之名去做犯法的事。

最奇怪係鬧呢幾個警察最勁的人，唔係一般市民，而係自己一樣"抗命"犯緊法的佔中者和佢地支持者。我鐘意明白咩野叫精神分裂，好彩唔係好多人有呢種病！

但我心裡係同情班警察，咁多日受盡屈辱，仲俾人撥液體，難免會有情緒。說實在，我係電視見到已經好想打個班人渣，但想還想，做了就要承擔責任，呢樣就係我地捍衛的法治精神！最少為自己行為負責，比起個班佔中公義怪勇敢得多！

另外傳媒係報導時旁白用左"暗角"、"拳打腳踢"的字眼，後來被刪除，改為"懷疑使用過份暴力"，引起無線新聞部聯署抗議！

無線新聞立場我唔想抨論，我只係知直播同剪接後新聞係完全兩回事，幸好我地仲有youtube可以睇到一d傳媒唔會報導的真相！

我覺得佢地抗議唯一理據係當全香港市民係盲的睇唔到畫面，要佢地繪形繪聲去話俾我地聽發生咩野事！而一個總編輯係無權去改一個覺得記者有問題的報導字眼。說實話，我睇過無線報導美國警察對付佔領華爾街人士的片段，我從來無聽過佢地用"拳打腳踢"去形容！咁代表左咩野？真係中外有別？

最可怕係，呢種質數傳媒充斥係業界。現在被放係暗角咩都睇唔到，唔係示威者或者警察，而係我地呢d靠傳媒得到資訊的平民百姓！

我小時候記者係叫做無冕皇帝，係受人尊敬的行業。現在…皇帝已經變成暴君！

轉載一位70後評佔中

轉載一位70後曾留學外國的人士所寫，意見分析清楚有據，值得一讀

　　一向沒打算在公開的平台說太多，因為自問自己的分析跟大聲音不一樣，説了，只會自招麻煩。但作為一個土生土長的香港人，我心淌血。

　　首先聲明，在這裡看到這文章的，都是我的朋友。不同意的，尊重你的發表，但我恕不回應。我無意與任何人辯論，只知道時間會把一切變成歷史，不論是否合意，也不用你或我去允許。

　　希望做到的只是抱著一顆持平的心，客觀的去回看前因，檢視現狀，分析未來。

　　前因:

　　走到這裡，不得不由衷欽佩英國人的高明。他們管治殖民地確有一套，難怪當年能殖民全球，成就一個真正的"日不落國"。殖民地教育表面制度跟其本土一致，但內容著重實用知識技能（填鴨式教育），培育本地人生產力替他們賺錢，但對於政治制度，個人分析力的培養異常缺乏，這樣就易於控制管治。

　　中英談判期間突然把衛奕信切換成彭定康，因為衛跟中國有深厚感情（以前是駐華大使），太違心的下不了手。彭是個一等一的政治家（現仍在歐盟身居要職），真的有"過你一棟"你還懵然不知，要拿著他的旗幟大喊"爸爸回來"的本事。

　　我沒修歷史，但記憶中英國統治香港百多年間從沒民主。每任港督（除了極懂親民之術的彭政治家）都是帶著鵝毛帽乘英國船在皇后碼頭登陸的。

　　英國人聰明，中國領導人着實也不笨（畢竟是十三億人中的尖子，不是你我在尖咀見到的自由人）。當年魯平說彭是"千古罪人"，我當時還小，真係唔知佢做乜。走到30年後的今天，相信白痴也明白魯主任當年已洞悉英人的佈局，也看到今天的結果。今天的我，只能讚嘆在一個封閉多年的國家也出到一羣有如此智慧和洞悉力的領導層，只能說是國運。可惜，他們欠的，是政治包裝的本領，所以其他國家殺人，是為正義而戰，他們維穩，是罪大惡極，仿彿人命真的有等級之分，不過，這點我可以明白，理解。

　　要補充一點，我無意批評英國人。為自己國家謀福，天經地義。讀過進化論的都知道自私是萬物本能，缺了這因子，物種必亡。愛己，愛家，愛國其實是維持自身基因的一個延續，也是本能。在加拿大讀書時，每朝準時九點，所有人起立聽國歌。美國球賽前也定必奏國歌。只有在香港這個奇怪的地方，電視上播國歌，是洗腦, 在自己國家升旗禮上不敬，是英雄。

　　現狀：

　　英國人離開，留下香港這個不中不西的地方成了中國與西方角力的平台。這十多年來，香港只是一隻棋子。二十三條，普選等等，中央著眼的，是外國勢力入侵，他們的眼光視野要比港人高濶得多。

　　事實証明，外國透過黎先生，泛民等的動作是沒停止過。這個，美國人自己也承認了。只是長久以來的殖民one track mind教育cross over金錢和傳媒的力量，輕易的把一小撮人洗腦了。很多人選擇不相信外國介入的説法。其實即使不懂之前相對論的科學理論，只要翻開歷史，例子多不勝數。當年日人侵華之前，做了due diligence，總結中國人的3大特點：貪心，自私，短視。從鴉片戰爭到日本侵華，都是漢奸為眼前利益出賣同胞的結果。

　　英國人統治的另一技倆，是＂唱好＂，讓港人真儍儍的以為自己聰明醒目勤力，舉世無雙，做就了經濟奇蹟。這種feel good factor讓人感到在他們領導下歌舞昇平，是維穩的重要技倆。其實香港人真的有優勢嗎？

　　懂英文？國內操流利英語的少説也幾百萬吧？今時今日國語說得比你我好的老外也稱不上奇人異仕了。

　　有國際視野？1978至2013年間國內海歸有140萬，比香港還多。

　　法治制度？香港行common law, 國內行civil law, 對大陸而言，香港法制當然不適用。外國人真的只信香港法制，不信大陸嗎？幾年前在北京參加了一個金融論壇，台上有前英總理Tony Blair和一個名字我也忘了的二缐人民銀行高層。當時台下反應是Blair給全比下去了。過了幾個月，我恍然大悟。英國成為亞洲區外首個人民幣結算中心。英國人總能讓對方feel good, 面子是假的，貨幣才是真的。當港人高舉英國旗喊＂爸爸回來，蝗蟲滾開＂的同時，＂爸爸＂正張開雙臂高喊＂蝗蟲我愛你＂。

　　香港唯一的價值，是對台灣一國兩制的範例。這個，香港人也剛剛自毀了。這一點上，大陸和美國一致的，就是他們的著眼點從來不在香港這點附在中國大腿上的一顆小痣。台灣才是他們在太平洋防線上的爭據地。

　　為了實現一國兩制，回歸後大陸不斷向香港＂利益輸送＂。泛民收得了錢也得向金主交待，＂做好佢哋份工＂，於是不惜犧牲香港發展，騎刼民意，後期更開宗明義，以民主之名，因特首不是普選產生，所以在議會內癱瘓立法，在議會外癱瘓交通。他們不接受特首要＂愛國愛港＂，這個很明顯，因為真正愛港的，一定選擇理性溝通，適度妥協，建立互信，再謀求共識，決不會選擇玉石倶焚。可憐純真的港人被各方勢力溫水煮蛙，白白耗費了十多年發展，給周邊城市全趕過了。水溫也把蛙們的頭腦弄得更加混淆，右腦＂佔領＂了左腦，把一切民生問題跟民主掛鈎，把希望全投資到＂民主＂這隻救生直升機上去，認為＂民主＂升空就把一切問題一併帶走，彷彿美國沒有窮人，沒有人要露宿中央公園。

　　的確，十多年來，政府也沒甚麼偉大政績，但驀然回首港人自己又要負上多少責任？有時候，再不迷信也得認＂黑仔＂。回歸不足一年，先來一個亞洲金融風暴，再加一次沙士，為有心人帶來絕世機會。那時候我剛從外國歸來，一看就知生果日報極有問題，完全不符合傳媒應有的公平公正操手，但中共畢竟開放只數十載，文滙報又豈能與有百年公關經驗的美媒較量？也得一讚美國人的眼光，黎某確是一個人才，香港弄得今日這個田地，他功不可沒。結果政府無論如何7-11的努力，天時地利做就五十萬人推倒了董伯伯。

　　接下來的曾先生，中學畢業能扶搖直上，當然是個＂醒目仔＂。眼見前人點死，當然維穩最重要。於是一切拖字訣，做就一個弱勢政府，事事一有風吹草動，立即鞠躬道歉，令某些人養成大聲就是有道理，抗議就能得??的習慣。

　　一拖十年，香港早被邊緣化，港人還忙著在議會上拉自己的布。

　　未來：
　　連日來大眾都在高喊民主。
　　有多少人真的明白民主是什麼？
　　民主的先決條件是什麼？
　　在不適當的環境下實行民主會有什麼後果？

　　民主是什麼？
　　民主是少數服從多數，少數的要懂妥協。

　　民主的先決條件是什麼？
　　民主的先決條件是一個有高質素的社會。高質素嗎？讓我舉個例子：在瑞典，先到公司的人會把車停到最遠，讓遲到的人可以儘快回到工作崗位。這樣的事，在今日的中國人社會，匪夷所思吧？不説那麼極端，到過西方國家的人到知，他們開門，在視線範圍內見到有人過來，一定把門開著，直至對方來到，給對方一個方便。這些質素，叫犧牲小我，完成大我。在香港這個你開切缐燈後車不讓還會加油前進的都市，我讓看官自行評價。

　　在不適當的環境下實行民主會有什麼後果？
　　這問題很簡單，世界給了我們很多範例，如利比亞。獨裁者卡達菲給推翻了，但人民質素未夠，各方不懂妥協，只懂自私短視貪心的爭奪，結果，不是民主，是內戰。這個，大家雖然未必經歷過，也大概知道就是共產黨前的中國吧。這個也就是前面提到為何魯平說彭定康是＂千古罪人＂的原因。民主種子撒在牆下，澆水發芽，牆是會倒的。
　　工作關係，這十多年旁觀着國內發展，也有機跟官員接觸。他們的進步，超乎想像，而且越高層質素越高，大部分香港人接觸到卻是下層土豪。香港人可以忘記日本人當年對自己暴殺，崇尚日貨，卻不肯給自己人一個進步的機會。

　　質素未夠的一個民族，有個像樣而有足夠能力控制十三億人口大局的政府能提供一段相對穩定的時間讓人民休養生息，是萬幸。發財然後立品。很多人認為現在不爭取民主的，是短視，只向錢看。又回到生物課堂，萬物本能，必先求存。不得溫飽，不論種族，最醜陋的都會跑出來。西方國家質素，是人民得到基本，再慢慢進展出來的。中國在走這條路，要一點時間。欲速不達。

　　一個自私的人作主，會成就一個獨裁者。
　　一個自私的民族作主，會成就一個悲劇。

　　作為一個土生土長的香港人，我心淌血。

世界在扭曲…

呢幾句係我係某黃絲帶支持者的Facebook留言中copy出來：

世界在扭曲…
搞事的繼續扮無辜…
死蠢的繼續扮理性…
失控的繼續扮專業…
冇良心的繼續扮盲…

對唔住，我真係忍唔住想大笑…原來世界真係咁多丁蟹。

替天行道…

重點在左下角投票結果…

無名英雄…

近日佔中…有人提起89民運，同樣係學運，我真係唔敢厚面皮用呢班學生所作所為同89先烈比較。

我大學時有一位內地來的老師，可能文化差異，大家都唔鐘意佢，覺得佢固執，又不近人情。後來因為一些緣故，我家人跟他在課餘時學習普通話，開始對他有多一些瞭解。

我這位老師是來自北京一間名牌大學教授，佢錯將自己對國內精英要求，錯放左係我地呢班懶散(我自認)學生身上。不過隨著時間過去，一切已經唔重要了！

後來我聽說他在89敏感時刻，親自到廣場將自己的學生拉走，後來出了事，校方要求他將在廣場學生名單交出來，佢明知會得罪高層，仍然勇敢地說自己什麼都不知道，就係咁佢斷送左自己的事業，本來垂手可得的系主任職位，就咁變成遙不可及。佢亦因此申請到香港任教！

後來他回了北京，我在1994年去北京旅行時曾經探訪過他，當時我在他家裡問過他對89的看法，當時係北京呢個係一個好敏感話題。他沒有說誰對誰錯，他只說：「學生企圖威脅政府，要政府屈服去聽他們的話去辦事，你覺得有可能嗎？」

我老師本身係民革受害者，在牛棚中長大，深深了解政治運動的可怕！

明知不可能的事，盡量想辦法去保護自己學生免受傷害，這才是真正為人師表，教協那群只是披著道德外衣的魔鬼！

真正英雄係犧牲自己默默去保護同關懷其他人…

我很認真地對佔中人士說：「我這位老師係英雄……你地唔係！」

活雷鋒…

我係面書見到有個女性朋友出post不停標榜班佔中人士幾咁互助，幾咁自律，幾咁和平。

我腦裡即時想起雷鋒：

對待同志要像春天般的溫暖 (佔中同志)
對待工作要象夏天一樣火熱 (努力阻街)
對待個人主義要象秋風掃落葉一樣 (對反佔中的"自私"一群)
對待敵人要象嚴冬一樣冷酷無情 (對政府和受影響唔認同佢地的百姓)


最諷刺呢班人係最唔鐘意共產黨，偏偏個個做左活雷鋒！

我是憤怒…

佔中事件薄

笑就講完…佔中第十日，係時候作中期檢討…

剛開始，學生係拿住絕世靚牌:
純高理想，令人敬佩
學生純真同熱誠，令人同情
加上第一日政府係鐘頭前放催淚彈(唔理係咪有人衝擊警方，鏡頭前睇唔到)
大量剪片睇住警察對付手無吋鐵熱愛和平的無辜市民，邊個有心人剪大家心中有數！

站係完全道德高地，佢副牌仲靚過八九民運，政府真係輸少當贏，當時佢地識見好就收，退去維園靜坐，應該已經贏硬！

點知佢地真係無智慧，信三妖理論自發佔中，人地係做個樣吹水嚇政府，你地班天真嬌就當絕世好橋，仲意氣風發，開始失控，港孩特質表露無遺！態度突然變強硬，命令689幾點前下台，佢真係以為689係佢屋企菲傭，當年五十萬人上街，老董都唔係立即落台！你唔係向北京告狀，係命令北京做野，就算當北京真係怕左你，你叫人點係十三億人面前點落台！

而且時間耐左，好多剪片都俾人踢爆原來唔係個回事，大家對手無吋鐵呢個詞開始懷疑，最少已經唔係一面倒！

無論佔中，佔鐘都好，始終個區個個身驕肉貴怕左你，班人衰心急無腦，玩遍地開花，仲係最多基層同九龍要脈旺角！你要對付政府同權貴，就要利用基層群眾力量，你班白痴走去搞最多基層地方，人地點會支持你！689真係多謝你都趕唔切，你可以恨共產黨，但人地起家手法高明過你地多多聲！

當時就算受影響或者覺得學生過份左，始終好多人未燒到埋身或者唔係好傷，對呢班站係道德高地的佔中友敢怒不敢言。

當時發生左三件事：

元朗驅黃成功，班白痴唔明白新界人同港島人係完全唔同，佢地齊心同排外係你永遠估計唔到，你班後生讀得書少，當年英國接收新界時，佢地連鬼佬洋槍都唔怕。你去惹呢班土皇帝，同自殺無分別。有d野大家都唔敢做，只要有第一個人成功，其他人就唔會怕，紛紛站出來，大家都怕成為下一個旺角，於是好多區都傳來驅黃成功消息！

圍堵政總，一班無腦又不受控的人活生生顯現係鏡頭前，佢地係有幾惡，惡到可以截救護車檢查，警察有無食飯要佢批准，唔俾阿婆返工，成個佔中形象輸哂，大家係同情學生，唔係同情黑社會！鏡頭前，話事人講，呢個係我地決定。大家心入邊想，假如佢地呢班惡人成功，咩都要跟佢地決定，我地仲無自由過現在，佢地真係追求緊民主自由？

喜記老闆非禮事件，亦係最重要一件，只能怪佔中信錯人，最初佢地用非禮事件抹黑反佔中人士，想利用女性弱者身份再制造同情，點知段原片俾人爆出來，班學生阻住人仲一點歉意都無，一臉惡霸欺侮弱小模樣，一向學生形象蕩然無全，而且鏡頭前所見，鬧佢地個班都無可能係新移民、大陸人或者黑社會，而且重係一班英語流利的知識份子，絕對唔係旺角無知阿伯。咁等於正式同全世界講，你唔係唯一，其實好多市民都同你一樣，想鬧呢班佔中者好耐，佢地所鬧正係好多人心聲。大家都唔再怕講出來！最重要係大家認同一個老闆係無能收幾百蚊去做臨記，佢成功將自己定為成一個要養家的弱者，卑微地求過路，最後走投無路絕望衝向示威者，將對方推向蠻不講理只顧自己的自私者方向！而一險天真女示威者竟然扮可憐屈佢非禮。

睇到呢到，任何中立的人都唔會再支持學生，原來一直被同情的學生只係扮可憐，真正可憐係受佢地影響的人。連帶呢班學生人格都受質疑，變成過街…

好老實，我個人有懷疑呢件事係有預謀去扭轉民間同情牌，但就算係，都只怪你蠢俾人睇中你弱點先會中計，你真係關心市民，人地設咩野局都無用，人地只係俾機會你將你地港孩特質展露係世人面前。呢d就係政治。

佔中民望(除左班洗左腦)已經跌到谷底…好多政棍都開始同佢地劃清界線自保，待我們看看最後結局…

警犬! 可恥！ 警察罷工！ 報警！快d報警！

最近香港出現一個新的團體，力量大得驚人：

你行邊條路甚至有無得返工，由佢決定！
你個仔有無得返學，由佢地決定！
警察有無得食飯，由佢決定！
十字車經過，佢要檢查過先行得！

仲有好多威水史，不能盡錄…總之所有野都係佢地話事，唔知以為睇緊古惑仔電影！

最奇特係佢地非常仇視警察，咁呢樣野完全可以理解，無賊係鐘意差人。但佢地可以公然直接鬧差人做警犬、可恥！以前古惑仔犯法見到警察係即刻九秒九反方向走！呢班人犯法係叫差人罷工唔好阻住佢地！呢d野真係創左社團先河！

咁呢班人應該係好威猛，遇神殺神，遇佛殺佛，連解放軍都怕左佢！咁你就錯啦！當遇到問題(都唔好講危唔危險)，佢地第一時間係打999，你無聽錯，係叫班佢地最痛恨差人幫佢地！佢仲可以大大聲鬧警察辦事不力！

於是我地聽到:
警犬!
可恥！
警察罷工！
報警！快d報警！
警犬!
可恥！
警察罷工！
報警！警察係邊到？點解無警察？
警犬!
可恥！
警察罷工！
報警！點解你唔拉佢？佢犯法！你地係唔係串通？(出自一個犯緊法的人口中)

我開始懷疑呢班人係精神班患者，只有精神病患者先可以做得呢d咁奇幻事情又覺得無問題！而且一個拿住把刀的精神病患者，唔好講我地d小市民，真係連警察都怕佢地三分！

但無理由同時間有咁多精神病患者，唔通青山走犯？但呢班人個樣好正常，仲有一大班好似智力正常的人稱讚佢地係香港未來希望！

當一個社會大多數人都有精神病，咁佢地就係正常人，而你先係有精神病！病徵咪就係無良知、冷血、自私、甘心做一隻豬！

我肯定我係無精神病，雖然好多精神病患者都係咁講，仲覺得自己係英雄！但我點能夠懷疑自己有精神病，我唔可以入青山，我唔似得班香港希望，我仲要開工賺錢食飯同養屋企人！

但我可以點樣解釋香港發生緊靈異事件？

我閉關苦思，終於俾我唸通左：

呢班小皇帝以為警察係佢屋企菲傭！

因為佢係菲傭，所以你可以鬧佢，叫佢返祖家，然轉頭叫佢喂你食飯，嫌佢倒杯水太熱！
因為佢係菲傭，你可以打到佢瞓底，然後舉高雙手，一臉天真無邪同老豆講我係熱愛和平唔會打人！

唔止警察，佢地依家仲當左全香港市民係佢地屋企個菲傭！

小皇帝叫個菲傭咩都唔好做早晨三點去排隊買黃子華棟篤笑，菲傭問可唔可遲d先去，小皇帝同佢講，我叫你去你就要去，睇黃子華係要犧牲，你唔早d去排隊，我就無黃子華睇！菲傭問咁你可唔可以中間頂一頂我去tiolet，小皇帝話睇黃子華係要付出，你唔好阻住佢瞓覺。菲傭覺得佢過份唔肯去，於是小皇帝就趁屋企無人對菲傭拳打腳踢，仲唔覺意整親自己手指尾！佢等到阿媽返屋企，同阿媽講菲傭想非禮佢，佢反抗仲整親隻手指，有証有據，叫阿媽炒左個菲傭！

其實小皇帝唔需要去睇棟篤笑，全香港正在表現緊一場大型棟篤笑，黃子華好快就會失業！

打倒暴政!

面對住愛與和平的學生封鎖線，楊太希望佢地俾條路行下。

楊：學生大哥，可唔可俾條路行下，就一條路？
學：唔得，呢d係我地決定！
楊：你咁樣點得，大家都要返工返學(除左你)，你會搞到好多人無飯開！
學：呢d都係政府無能迫成，你唔可以怪我，我係幫你爭取緊(你仲唔多谢我)。
楊：又關政府咩野事？
學：政府一大堆不知所謂既政策...
學：一大堆官商勾結的既得利益者…
學：佢地做成好多人失業，咁邊個幫佢地？
楊：…
學：所以太太同大家犧牲一下，我地要公民抗命去爭取真普選，改變呢個現况。
楊：……
學：太太，即使做對的事中有錯，總好過什麼都不做。林夕都咁講!
楊：………
學：風雨中抱緊自由…
楊：…………
學：太太，難得你明白，不如跟我一齊叫口號
楊：？
學(s)：我要真普選！689下台!
楊：同學，你覺得我認同你地，你地會成功嗎？
學 : 就算機會再低，我地都會一試！
楊：同學，我唸我明白，對住一個不知所謂的政策，面對住一班犧牲其他人的既得利益者…
學：無錯
楊：即使有錯，總好過咩都唔做，除夕講既
學：係林夕
楊：我地需要犧牲一下去改變呢個局面
學：太太你终於明白
楊：我明白，我地面前就有一個不知所謂的政策，面對住一班犧牲其他人的既得利益者…
學：係邊到？
楊：咪就係你班稅都未交，就想犧牲我地香港經濟的自私鬼！！！
學：你收錢扮市民？你有無良知？
楊：係你教我地要公民抗命去改變呢個局面，同學難為你犧牲一下!我肯定呢次成功機會一定高!
學：咪住…大家冷靜d
楊：大家一齊上，光復我地條街。
學：救命！快d打999叫警犬，有黑社會打人，女同學，快d叫非禮！

(轉載)失敗的原因

這個佔中…又命遮打革命，應該係本世界最奇特的學運，由一班充滿熱誠、理想、仲思想好單純(唔好聽叫蠢)的人進行………

學生的訴求，大家係理解
學生的熱情，大家係唔會否定
追求普選，應該無人會反對

但問題係呢班以為自己有獨立思想的人，天真地踩入陷阱，用最錯的方法去爭取！

 呢個運動的目的，係阻塞交通，癱瘓香港經濟迫使中央政府給予香港人真正的特首選舉制度。你無聽錯，係用香港經濟要脅北京，你插自己兩刀要我就範？你係唔係食錯藥？

可能連搞手都覺得有d問題，於是後來變成要脅香港政府向中央爭取真普選。香港政府打俾北京：「老闆，我管唔掂班市民，你放權俾佢地自己選特首。」，假如北京肯答應，就肯定係北京食錯藥。

 一開始時，就盛世凌人，一副綁匪唔答應我就撕票的模樣，限政府幾點鐘要回應…否則…！你見過有差人同受害家屬講：「你交屬贖金，我驚佢地會撕票」？ 連白痴都知，我今日答應左你，你大哥明天心情唔好可能又來馬路行下，下次可能係要求共產黨下台！

北京唔理你、香港政府唔理你，無人肯交贖金，仲同你講慢慢養住條肉參，你急我唔急，咁點算？沖擊解放軍？你講笑，佢地唔同任你打任你駡的警犬，會死人的！

唔緊要，我地可以叫國內蝗…sorry係同胞支援我地，十幾億人向暴政說不！一直唔過深圳河的高尚港人，到呢刻先發現國內同胞覺得香港人自命清高歧視佢地，一早已經恨不得你死，依家十幾億人齊齊買定花生睇住你幾時撕票！

唔緊要，我地有山姆叔叔，咩野國際標準都係佢定，一於叫佢主持公義。點解美國求其吹兩句水就算？梗係啦！人地唸住係六四翻版，點知又無解放軍，又無坦克車，搞咁多野得幾十個摧淚彈，佢班警察對住個兩手空空遮都無把的黑人都開六槍，佢點好意思大聲話香港警察暴力！

我地仲有國際社會輿論。哇！你係唔係靠害，好改唔改幫我地改個命做遮打革命，阿爺咩都唔怕，最怕係革命，你分明擺我上台！

咩都無，唔緊要，我地仲有香港市民，七百萬人一條心！一於遍地開花，迫到政府就範！ 呢個行動本身就係以破壞香港人的經濟做籌碼，你叫班俾你破壞緊的香港人去支持你？無問題，我地係幫佢地爭取香港的未來，脫離大陸的魔掌，佢地只係犧牲少少就可以換到光明的未來，佢地無理由唔支持我地！

陳生係一個導遊，因為佔中無哂國內旅行團，已經幾日無工開，但佢相信呢班學生講，要爭取就要犧牲，佢願意勒緊褲頭犧牲自己為下一代爭取！

為左支持學生，佢每日都有留意佔中新聞，班學生真係好有紀律，又自發性幫忙，陳生覺得香港未來係有希望，自己犧牲係值得！

但佢又發覺班學生坐係到上下網吹下水發表下意見，寫下標語，好似好輕鬆，佢地到低唸住下一步點做，唔會真係就咁一直坐落去？學生有源源不絕的物資，捱到2046都無問題，但陳生屋企下個月交租都有多少問題！

佢又發現，點解電視見金鐘日頭同夜晚佔中人數差咁遠？原來好多人都係白天到此一遊，夜晚返屋企。我賠上身家財產去犧牲，下個月可能屋都無得住，你地當來景點參觀，然後返屋企高床軟枕？

又一晚，佢見到電視前好感人場面，大家開住手機，閃亮地唱海闊天空，但陳生一d都唔感動，佢犧牲自己，就為左俾班人去開演唱會，個一刻佢想送呢班人去見黃家駒！

陳生同自己講，事情唔係咁，決定去金鐘一次，佢發現原來好多人係返緊工出緊糧，只係放工放假去金鐘打下卡，影下相上facebook搏like！

台上有個學生仲講緊爭取係有代價，犧牲少少係在所難免！

陳生轉頭就離開，一邊行一邊唸：「犧牲係在所難免，但點解由頭到尾得我一個犧牲，呢班人到倒犧牲左d咩野？假如我仲支持佢地，我就要睇精神料食藥！」

為左確保下個月有錢交租，陳生成為佢個區的驅黃行動中堅份子！

遮打革命……革命唔係請客食飯，革命係需要流血，首先係自己的血，唔係人地的血。連呢個覺悟都無，大家認為有可能成功？

每一場運動開始，都係先犧牲自己，用自己無私奉獻去感染其他人參加，先有可能成功。
我地呢場鬧劇，一開始就唸住犧牲別人，自己零成本去抗爭，我地應該點去形容？