根本就係一個劇本…

豬同狼的羅生門事件，根本上就係有預謀，覇權份子見唐唐大勢已去，上面講到明當選要睇民望，於是教唆低EQ兼對狼充滿怨恨的豬抱住隻狼一齊死，唐唐唸住返正玩完就玩一舖勁，到時狼的聲望急跌，覇權份子就傳揚兩個爛蘋果的理論，用傳媒放風投白票搞流選，中央見兩個都不得人心亦唔再緊持，到時覇權份子再推一個零新聞的傀儡，好容易就高民望當選。其實一切已經進行緊，只係睇下成唔成功。

其實呢單野應該係老屈居多，始終六四镇壓同二三條都係香港人死穴，成件事度身釘做得太明顯。狼想做特首都唔係今日的事，一早就開始默默鋪路，一言一行應該都會好小心，無論心點唸都唔會蠢到把口講呢d野。而且假如係真事，豬一早可以借第三者把口放風轉移視線，駛鬼算十年前舊帳兼捱打幾個月。

不過無論狼有無講過，係市民心目中都一定打折扣，因為佢根本無可能證明自己清白。佢作為準特首唔可能帶頭去破壞行政會議保密機制，就算佢肯又證明到無講過，豬已經誠信破產唔差在衰多次，大不了道歉話記錯，但覇權份子一定就佢想做特首破壞機制而大做文章，準備第二波攻擊。佢唔證明，隻豬當然唔會蠢到去找證據，繼續用把口老屈佢！

其實點解覇權份子咁怕隻狼？因為狼的性格一定唔會受佢地擺佈，而且走的應該係強硬路線。參考俄羅斯的例子，普京上台行強勢統治，全國侵吞國家資源而最有財有勢的兩個巨富，一個搞對抗俾普京抄家坐牢，另一個賣返哂資源俾國家，然後表明寄情聲色犬馬唔會同普京爭，先逃過一劫。歷史話俾我地聽，權傾朝野的貪官，假如無辦法控制到繼承者，通常都係第一個俾新上場的祭旗以立聲威，近代最典型例子就係和坤！假如狼一上場，為左爭民望兼建立威信，隨時第一時間對呢班肚滿腸肥的覇權份子開刀！所以佢地會想盡辦法唔讓一個控制唔到的狼繼任。

快樂…真的很遠嗎？

星期天帶孩子到大角咀的廟會，剛到了就被孩子拖去排隊玩攤位遊戲，結果玩幾個遊戲就排了兩個小時。現在的大角咀可是一個有趣的地方，一邊的填海區是一羣自稱住在西九的中產，另一邊的老區則滿是老人、新移民和南亞裔，當日排隊玩遊戲的小孩大部份是後者，中產的小孩當然不會為一把間尺一支鉛筆的大獎排半個小時隊。
當本人已經開始排到腳仔軟的時候，看見一個小孩剛玩完遊戲，跑到他那個新移民媽媽處，告訴她自己拿了大獎——一支螢光筆，然後歡天喜地的拿著那個大獎看了又看。我突然想到原來有些快樂是很簡單很容易，但為什麼當社會普遍物質越來越豐富的時候，無論小孩和大人都好像越來越不快樂…

順帶一提，當日亞姐的時裝表現，那些亞姐真的很漂亮…