2007年11月8日

清倉…

唔經唔覺離開左無網路八個月,期間經歷可以用"數字人生"形容,中間學到唔少野,近期股市波動,所持股票亦從高位大幅回落,前排已開始減持,昨天早上見到大市成交完全唔對路,同過往一個月pattern完全唔同,我估場內似乎暫時已經無實力人士短炒!



於是昨日終於將剩餘股票全部沽清,其實我都唔知自己有無估錯,埋單計數仍有小利足夠暫時開飯之用!

在此要多謝幾個人(唔方便講名),無佢地之前提醒,我亦未必會留意咁多野!呢個世界真係好多超級高手,我想一世都學唔到佢地十分一!

今日起,我終於真真正正變成一個零收入人士!

*以上純粹個人亂吹分析,你信我就係你自己問題!

4 則留言:

二流程式分析員 說...

之前八個月你係條炒炒賣賣無生產力ge社會寄生蟲,依家情況不變,不過可以重懶D,市都唔洗睇....

九流背插三支旗竿的系統吹水員 說...

哈哈!呢排日頭有咩活動預埋我呢條寄生蟲!

二流程式分析員 說...

寫 .Net ......有冇興趣?

九流背插三支旗竿的系統吹水員 說...

玩野啊!