傳說中的一疊匯豐股票

今日陪人去搞股票轉名，終於有機會見到傳說中的一疊匯豐股票！

事緣友人正在排隊搞轉名，突然大家視線同時射向同一個櫃台，只見該櫃台的職員正為一對老夫婦處理一大疊已經有點發黃的舊股票，我地好清楚見到個疊股票全部係匯豐銀行股票，後來友人到同一個櫃台處理股票轉名，剛才已處理個疊匯豐股票仍在櫃台上，我地出於好奇探頭一望，有一張處理報告放係個疊匯豐股票上，清楚寫上：八萬一千零八股，可能大家唔知匯豐幾錢，現價一股大約HK$145-150，即係個疊野價值過千萬！

我地一向都有聽過有人長期儲蓄匯豐股票致富的故事！不過親眼見就真係第一次！