匯控千人陣

近日匯控連日下跌，好多散戶因為過往經驗，覺得匯豐抵買，於是越跌越買，構成近萬散戶對幾百投行客戶的買賣陣勢！散戶最後購買力正式單挑各大投行！甚為壯觀！

可惜世界在變，我覺得銀行業係可見未來都見唔到過往的光輝，還是留點現金吧！

其實睇返今次金融海嘯：
第一浪係次按，匯豐比同行先知先覺，影響唔大！
第二浪係巨無覇倒下，政府國有化問題銀行，已經為未來競爭力埋下伏筆，加上樓價下跌，已經對匯豐股價作出影響！
第三浪係企業盈利同基本面，正中匯豐要害，去桿杆化後未來銀行生意同盈利都會大幅收縮，本來要關門的有問題銀行又死唔去，僧多粥少，人地又有政府做後盾同你搶生意，匯豐將來的路會好難行！