上一篇係匯豐千人陣,今日又係匯豐…不過千人陣已不再!
匯豐剛宣布業績,只能用非常差去形容,而好多長線投資者更遇上兩難境地,股息大減又要俾錢供股。對收息過日的退休人士,更是致命打擊!
我記得當我初出來做事時,手持匯豐可謂身份象徵,當時一手匯豐已經係我半年糧,聽人講有十餘手已經流哂口水!好多人的致富故事亦由匯豐開始!
今時今日,手持匯豐已經變成蟹民連象徵,最慘呢次應該會連累好多退休人士同退休基金!
陪著我們成長的獅王可能已經一去不返…
自一九九七年睇過大時代重播,完全俾當中對現實描寫迷住。此劇無半點童話或美化色彩,每一個人到最後都係悲劇收場。其中好多金句到依家都令我好回味同深思。亦係呢部電視劇,將我帶進股票市場呢個人性最貪婪同無情既地方!
沒有留言:
發佈留言