呢兩日發生左d不幸既事,一位護士因為善終送暖服務,係路上遇到交通意外身亡。另外一位消放員亦係火警中喪生。
其實呢個世界好無奈,殺人放火金腰帶,收橋築路無屍骸… 前幾日係電視見到某老千商人捐左三百幾萬俾某善善機構,上台做哂宣傳,跟住仲做左唔知乜野永遠名譽主席,三百幾萬?全世界都知佢任何一單陰質衰野都唔止呢個價。傷天害理喪盡天良巧取豪奪,然後用九牛一毛扮慈善家,簡直連無恥都無法完全形容呢種人。偏偏呢種人就每日大魚大肉,反而好人就…
其實有時我都會唸下點解....
自一九九七年睇過大時代重播,完全俾當中對現實描寫迷住。此劇無半點童話或美化色彩,每一個人到最後都係悲劇收場。其中好多金句到依家都令我好回味同深思。亦係呢部電視劇,將我帶進股票市場呢個人性最貪婪同無情既地方!
5 則留言:
依家個世界係講錢嫁....
果D響商場股場做盡衰野,有錢捐就係慈善家。果D無錢齋出力ge,好釆有媒體導就有人知,有D就要等死果刻先有人知有人recognize
今日有個大陸人幫老千商人放風…搵人接佢隻新股火棒…
個"收"字應該改做"修"字
係啊!等我睇到幾集"最緊要正字"惡補下先……suki啊!
suki 係惡補下你第二樣野.....
發佈留言