你今日摸左頂未？

近日發現街頭巷尾都講股票，好彩我人緣差、眼光差、運氣差，所以無人會問我投資意見！街邊成日聽到人講number(希望唔係我思覺失調)，有人講過連街市買菜都講股票，就係股災之時！

我唔知幾時會股災(知就…)，大家依家都估緊幾時係頂，好多人害怕股災亦摸頂(佢當時認為係頂)出貨，其實係呢種大時代，泡沫並唔可怕，最可怕係你望住泡沫而得個睇字！泡沫帶來財富增值(可以睇作假像)，必然會引起通漲，而且今次通漲受美元加人民幣(再加內地通漲)夾攻，應該不能忽視，假如你手持現金遠離呢個食人遊戲，可能你就係第一個被食！

當然無話買左股票置身泡沫就最安全，呢兩年都唔少人買輪買細價股輸大錢！呢個已經唔係入唔入場問題，而係入場後點做既問題！呢個問題可能花一生精力都揾唔到最好答案！

現在市場已經深受北水影響，泡沫亦開始向北發展，研究呢次泡沫會唔會要大陸買菜個個都講H股先爆破，大家都唔知道！