首先係度向大家恭喜發財,因為發生各種不可思議事故,到今日先再寫野。
經過多日收拾,終於由百廢待興變成五十廢待興,間屋開始成型,二流程式員琴日來做訪,指出家中有各種風水問題,不過先天所限,亦已無力再大執,遲d住落再算。不過間屋就肯定唔利佢,佢未入門口就中call,借我部腦做野,個顯示器按鈕又接觸過良,條網線又儍下儍下,最妙係佢走左後,所有野回復正常。
今日睇新聞,話去年有三分一新婚係香港男娶內地女子。我老婆都係內地人,有時文化同生活習慣差異真係想像唔到,結左婚四年,大家仲好努力適應緊。
離終結日仲有四日,我就會同無網絡公司講再見,呢幾日收拾物件,見到好多以前物件同照片,鈎起好多回憶…
第一次出差返大陸,一個儍佬係北京,結果識左一班朋友,有d對我影響都幾大,而且到依家都仲有聯絡。
曾經一班同事係天津食火煱,晚晚鬥食辣椒,互對白酒,杯酒當歌。
一堆人係吐露蕃去睇火焰山,再偷雞坐夜班車去騎駱駝行沙漠睇敦煌石窟。
因利成便,係西安做完野兼睇完兵馬埇,再同老婆去九寨溝預渡蜜月。
係上海騙吃騙住(因為個project無野做),同老婆公費度左三個月蜜月,乘機去左黃山同南京玩。
係北京君悅,有機會坐係梁錦松同伏明霞隔離臺食早餐。
再臨西安遇到班無良友,想屈我地做野自己領功,係全無大佬撐腰下同呢班經理級鬥智,結果依時完工兼玩到班友飛起,佢地最後仲要被迫受命頒返個獎俾我地。
仲有好多回憶,不能盡錄,所以我從來無後悔過入無網絡公司,亦唔會恨佢,相反我好多謝公司俾機會我去充實眼界同荷包。
3 則留言:
唔好咁齋,比D相黎睇下啦,不過記得打格仔...
重有D唔比得你老婆知ge回憶都無講,不如我親口同你老婆講啦...
乜電對你真係不薄,比錢你結婚生仔去旅行,昨日睇返佢個股價都升到上三十一蚊,都算係幾年來最威la.
琴日太夜,所以無貼相,遲d補返。
大佬,利是一定補發俾你,新年千企唔好亂講野!
講起無網路,我仲有d六十蚊認股證…
六十蚊認股證.....哈哈來多個十合一或做多次假帳就到啦
發佈留言