狼來了

從前有個師兄帶班羊去食草，點知有隻狼走出來，師兄(唔係千華)一面走一面大叫狼來了，咁d羊跟住走，點知有幾隻走唔到，閉目等死，點知隻狼唔食佢不等至，仲同佢講自己轉左食齋，仲帶佢地去一處好多草地方。咁d羊食完草返來，師兄同其他人好奇怪，問佢地點解返到家鄉，仲賺突左，一問之下，好多羊都後悔，但師兄同一d曾經逃離狼口或者俾狼咬過唔死得既羊，佢地唔信隻狼會轉性。

如是者，每一次師兄見到狼都仲叫狼來了，但每一次無走d羊都無事，而且肚滿腸肥返來，結果越來越少羊相信師兄，仲有羊d叫師兄唔好嘈。最後，連師兄都懷疑自己，結果靜靜雞跟住隻狼同d羊去左，發現個度真係有好多草。點知隻狼發現左佢，仲好熱情送招呼佢，讚佢係看羊界奇才，眾人皆醉佢獨醒，唔駛帶路都俾佢搵到呢個地方。

咁師兄好開心同其他師兄宣布:狼轉左食齋，世界已經冇危險，呢緊大把草食，牧羊業黃金時代到啦。。有d師兄聽到仲炒左牧場老板，自己帶一兩隻羊唸住做牧場大亨。
當各師兄帶住d羊好開心去到見到隻狼，隻狼又帶佢地去一個好多草地方，但去地方越來越遠。如是者好多次，d羊都食肥哂，d師兄都當隻狼係friend。
有一次，佢地又聯羣結隊去搵隻狼，隻狼帶佢地去一個地方，但個到無草，只有好多隻狼望住佢地。

無人知道發左咩野事，只知道過左好耐都無人再見過d師兄同肥羊。