如果人生最壞只是死亡…

最近疏於時事，昨日經二流xx員(唔記得佢個新title中文名)告知，才知道有人因股票欠債，加上事業愛情兩失意，在家裡跟老人家一起為生命劃上句號！

我過去亦曾因投資失誤而令經濟走入困境，但只要勇於承擔，苦日子總會過去，我現在還不是有點閒錢在家裡睡午覺！我有朋友曾經跟破產擦身而過，呢兩年還經常接濟我這個失業中年，請我食左唔少好野！(特此鳴謝！)

人生難免會有不如意的事，其實只係一種試煉，為未來做得更好作準備…假如我以前無係股票市場悲哀過又捲土重來(再悲哀？)，我好肯定已經係今次金融海嘯中好悲哀的其中一個(最少遲過普通人悲哀)！我見過一生順風順水的人，稍為真正受到考驗時，已經完全無招架之力，大家都唔想臨老先咁啊嗎?

講俗多少…一個男人唔仆一兩次街，無幾條刀疤係生命的經歷，點玩浪子feel溝女啊！

假如各位係失意時有一絲輕生的意念，請花少少時間睇下一套舊片叫"新不了情"，劇中女主角到最後一刻雖然因病走完自己的生命，但一生樂觀的她到最後還希望身邊的人好好地活下去，以下是她對曾經放棄自己的男主角的最後說話：

「如果人生最壞只是死亡，生活中怎會有面對不了的困難！」